يجينا الفرج بكرا.. يا ولدي بس لا تبكي
أنا ماأستحمل دموعك .. وهمساتك تبكيني

نشف دمعي على خدي يا ولدي من خمس شهور
وصارت كل آلامي تعيش وتلتحم فيني


ياولدي إحبس دموعك دخيلك اكتمه هالحين
حرام الدمعة في عينك تعانق طفلي المسكين

تعال واحظن فرحي .. وقول للفرح اهلين
وخل حزنك بقلبي .. دخيلك يابعـد عيني

أشوف الدنيا بعيونك .. وأشوف الفرحة بك يا زين
وأنا مالي سواك إنتِ .. وإنتِ شمعة تضويني

علام الهم في قلبك .. ياولدي ليه ماتشكي
أبيك تكسر همومك وأنا أمك قولي حاكيني

يايمـه حالتي صعبة انا.. والفقر صرنا إخوين
أعيش بظلمة همومي والاقي الهم يكويني

معاق يمه من صغري .. معاق يشتكي حق مين
مدام إن البشر تنظر لحالي بعطف يعميني



أناظر هالبشر وأسأل ..أنا وش موقعي الحيــن؟؟
وش اللي يميز الأعمى عن اللي شوفهم زيني

فقير حظ يا يمـه وحالي تعمي العينين
من اللي يعشق ويهوى معاق حظه شيني

سألتيني وش أتمنى يايمه منيتي شيين
يكون الفرح أولهم بعدها تعيش رجليه


أنا ودي ومنا عيني يكون لجسمي بس رجلين
تساعدني على برك .. وبرك غايتي وديني



يا ليت الناس ترحمني وترحم حالة المسكين
ولا تجلس تناظرلي بنظره تجرحني


تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني


معاق يمه قوليلي علامك ساكتة تبكين
كلامي أزعجك أدري .. وأدري الدمع يشكيني

دخيلك يمـه لي رجوة مدامك قادرة تكفين
أبي لي لعبة يا يمه تكون الصادقة بعيني !!


طلبتك يمه هاتيلي عروسة مالها رجلين
وأبيها تكون في كرسي .. ( معاقة ) مثلي ترثيني؟؟