يا(..) ضيقتي زادت متى المح طيوف النور
متى تستوحش ضلوعي فراقٍ هد لي حيلي

متى أضحك من الفرحه متى أكشف انا المستور

متى ترضى عليّ عيني وأنام براحه في ليلي

على ذكر الصداقه شوي أبسأل خافقك مشكور

وش أسبابه لجل يبعد وياخذ معه منديلي

وارجع في متاهاتي كذا يمكن لعشر شهور

أقلّب صفحة أيامي واستعذب مواويلي

ويبكي قلبي بلهفه بكى قاسي كما بلور

يكسّر لي مجاديفي يضيّع لي خَطى ميلي

واصدق كذبه الايام على جيّتك واضحك زور

اراقب إبتساماتي وصدى صوتي يغنيلي

غريبه دنيتي بدونك ووقتي مختنق مقهور

ولابه حد يستاهل اخلّي نبضه ايجيلي

تغرّبني سنين الياس واقول إن الصداقه بور

ابد مافي احد صادق يعيش الوقت من جيلي

واذكر كلمتك وأصرخ دخيل الله يادكتور

أبي تنزع وفَى قلبي وتنهيلي مراسيلي

وتهدم نظرة الحيرة تبرر لي وجود السور

حوالين الضلوع الحدب وأبيك بصدق ترويلي

ليش القلب لأتعنى يَحفْرّ في مداه قبور

ويدفن فيها اشواقي ويطلق بالدجى خيلي

سرجت الليل بذراعي رحلت لعالمٍ مهجور

لعالم ظلمته تضّوي ونوره ازرقٍ نيلي

تكهنت الحروف ابيات تنادي بالصدق وتفور

إلى من حست بكذبٍ يثوّر بالمدى كيلي

يا(..) قالهاحامدبشطرٍ مالمسه كسور
بشطرٍ لخّص إحساسي حكى عني ويحكيلي


|